Planisaziun detaglieda dal proget cumplessiv
La prümavaira: Cumanzamaint da las prouvas per acturas ed actuors, pel cor e la chapella

Il program accumpagnant

Il program da giubileum cumainza in gün 2027 cun l’avertüra festiva a Trun in Surselva. La Lia Rumauntscha invida ad ün di cun bgera musica – traunter oter la prüma rapreschantaziun d’üna nouva chanzun rumauntscha per iffaunts – e cun ün’invista detaglieda da la naschentscha da la lingua scritta rumauntscha.

Zieva l’avertüra pussibiliteschan differentas gitas tematicas per giuvens e vegls scu eir occurrenzas culturelas illas regiuns rumauntschas da fer inscunters interessants.  Grazcha ad occurrenzas in püssas citeds svizras as po que imprender a cugnuoscher ils aspets multifars da la lingua scritta rumauntscha.

Las activiteds radieschan da la Surselva tres ils territoris linguistics rumauntschs fin a Zuoz. La festa cha la vschinauncha da Zuoz e la Lia Rumauntscha organiseschan cò unescha la fin da lügl 2027 l’intera Rumantschia e pussibilitescha ün barat prezius traunter ils differents idioms. Il program vain cumpletto cun la rapreschantaziun dal töch teater chi ho survgnieu il premi Uniun Travers, cun concerts, prelecziuns, üna vernissascha da cudesch, gitas litteraras ed ün Open Mic.