squadra

Ivo Bärtsch
president
ivo@uniun-travers.ch
081 851 31 36

Ivo Bärtsch maina dapi il 2014 il teater Zuoz Globe al Lyceum Alpinum Zuoz. El è responsabel per il program dal Zuoz Globe e maina las duas gruppas da teater da scola. Sco interpret e reschissur independent lavura el era per differentas gruppas e divers ensembles en Svizra ed a l’exteriur.

Gianna Olinda Cadonau
mainagestiun
gianna@uniun-travers.ch
081 258 32 18

Gianna Olinda Cadonau ha studegià relaziuns internaziunalas a Genevra e management da cultura a Winterthur. Tar la Lia Rumantscha è ella responsabla per la promoziun culturala. Ultra da quai s’engascha ella en differentas instituziuns per la cultura en il chantun Grischun. Ella scriva lirica e prosa per rumantsch e tudestg. Fin uss en cumparids dus toms cun poesias tar editionmevinapuorger ed in roman tar la chasa editura Lenos.

Rico Valär
suprastant

Rico Valär ha studegià romanistica a Turitg. Oz instruescha e perscrutescha el sco professer da litteratura e cultura rumantscha a l’Universitad da Turitg, docescha a l’Universitad da Turitg ed a l’Universitad da Basilea davart la politica culturala da la Svizra ed è moderatur independent e publicist.

Lucian Schucan
suprastant

Sco anteriur responsabel per la cultura en il cussegl communal da Zuoz è la cuntinuaziun da las activitads da l’uniun travers ina chaussa dal cor da Lucian Schucan. Dapi il 2024 è el pensiunà. Il temp gudagnà impunda el per la refurmo, l’archiv cultural da l‘Engiadin’Ota e la chascha da pensiun Veska, mintgamai sco president. Suenter il studi d’economia ha Lucian Schucan lavurà plirs onns tar la banca UBS e passa 20 onns tar l’ospital da l‘Engiadin’Ota. In fil cotschen era la realisaziun da projects gronds e pitschens.

Ladina Tarnuzzer
suprastanta

Ladina Tarnuzzer, naschida e creschida si a Samedan e gia bod 20 onns activa a Zuoz, è enragischada fermamain en Engiadina. Ella è commembra dal cussegl communal da Zuoz e vicepresidenta communala. Ella lavura dapi radund 10 ans al Lyceum Alpinum Zuoz sco manadra da l’hotellaria e gastronomia. Sco spezialista da turissem s’engascha ella dad unir la cultura ed il turissem en ina natira oriunda ed unica da nossa vallada alpina ed da render accessibel l’ierta culturala engiadinaisa.