publicaziun

Cun il premi travers zuoz promova l’uniun travers la lavur da teater rumantscha e publitgescha per la segunda giada ina concurrenza per autur:as.

Per il premi travers zuoz 2026 tschertgain nus ideas e concepts per in monolog rumantsch.

Il premi consista d’ina contribuziun ad in’ovra da CHF 10’000 incl. in contract d’ovra per l’emprima represchentaziun la stad 2027 en il Zuoz Globe.
Il text sto vegnir inoltrà fin venderdi, ils 15 da matg 2026 a las 24:00.
La premiaziun ha lieu ils 20 da zercladur 2026 a las 17.00 en il Zuoz Globe / Lyceum Alpinum Zuoz.
Il premi vegn offert da la Lia Rumantscha e da la vischnanca da Zuoz. La premiera dal monolog vegn coproducida dal Zuoz Globe/Lyceum Alpinum Zuoz.

Detagls davart l’inoltraziun

Tschertgà vegn quest onn in monolog rumantsch. Tut las furmas scenicas, performativas e dramaticas e tut ils idioms e rumantsch grischun èn bainvis. L’emprima represchentaziun dal monolog vegn dada durant la stad 2027 en il program accumpagnant dal giubileum «500 onns lingua scritta rumantscha».

Sviluppai Vossa idea e la tramettai fin mesemna, ils 15 da matg 2026 a las 24.00 en furma anonimisada:

concept dal monolog incl. ina skizza da l’ulteriur svilup (max. duas paginas A4 / instrucziuns da reschia n’èn betg necessarias)
extract dal text (trais fin max. tschintg paginas A4 / 6’000 – 10’000 segns incl. spazis vids)

Ulteriuras pretensiuns

Il text inoltrà sto esser scrit exnum per rumantsch. Tut tenor l’actur:a sto il text però permetter midadas da l’idiom.
Il monolog dastga esser concepì per max. in:a performr:a.
Il monolog duai avair ina lunghezza dad almain 40 e almain 60 minutas.
Il toc sa duai laschar realisar cun meds tecnics minimals.
Il text po vegnir scrit d’ina persuna u d’ina squadra. Ina squadra sa cumpona p.ex. d’autur:as betg rumantsch:as en collavuraziun cun autur:as rumantsch:as.

Proceder suenter il termin d’inoltraziun

Ils texts vegnan preschentads a la giuria en furma anonimisada. La giuria per l’onn 2026 sa cumpona da las persunas suandantas:

Selina Beghetto (dramaturga e scienziada dal teater)
Manfred Ferrari (reschissur, manader artistic Ressort K)
Fadrina Hofmann (schurnalista)
Rico Valär (scienzià da la litteratura ed intermediatur da cultura)
Roman Weishaupt (teatrist)

Las annunzias ston vegnir inoltradas a moda digitala via il formular sutvart:

inoltrar l’annunzia via il formular

Persuna da contact en cas da dumondas:
Ivo Bärtsch, manader Zuoz Globe
ivo@uniun-travers.ch, tel. 081 851 31 36
Gianna O. Cadonau, manadra Cultura Lia Rumantscha
gianna@uniun-travers.ch, tel. 081 258 32 18