infurmaziuns
Qua chattais Vus tut las infurmaziuns necessarias davart il festival: co arrivar, nua pernottar e nua guardar las occurrenzas.
Zuoz Globe: En l’atmosfera singulara dal Zuoz Globe mussain nus mintga di nossa producziun da festival «Bab, siu archiv ed jeu». Il Zuoz Globe cuntanschais Vus davent dal center da Zuoz u davent da la staziun cumadaivlamain a pe en 10 minutas.
Attenziun: il Zuoz Globe n’è deplorablamain betg accessibel per sutgas cun rodas.
La Tuor Planta / Hotel Crusch Alva: Sonda envidain nus en la Tuor Planta ad in «open mic». Partai moda spontana (u preparà minuziusamain) Voss curts inputs, Vossas istorgias, stand-ups da tut gener u Voss intermezzos musicals.
Attenziun: la Tuor Planta n’è deplorablamain betg accessibla per sutgas cun rodas.
Sala scola primara Zuoz: En la sala da la scola primara Zuoz ha lieu venderdi suentermezdi la represchentaziun «New World» da:las scolar:as dal Lyceum Alpinum Zuoz. Sonda suentermezdi mussain nus qua l’opera da café «Las secretezzas di Susanna» cun Sara-Bigna Janett (sopran), Flurin Caduff (bariton) e Daniel Badilatti (rolla mitta/servitur), reschia Riikka Läser.
La sala da la scola primara sa chatta medemamain en il center da Zuoz.
Hotel Klarer Zuoz: En il Hotel Klarer discurrin nus da teater. Asa Hendry, autur:a dal toc «Bab, siu archiv ed jeu», Selina Beghetto ed in ulteriur giast discurran da la genesa dal toc, l’influenza dal teater popular en la lavur professiunala da teater ed il scriver teater en rumantsch u en autras linguas. Cun surpraisa teatrala.
Caferama Badilatti: Dumengia ans inscuntrain nus en il Caferama Badilatti per chantar cuminaivlamain chanzuns rumantschas ed evergreens. Unisono u polifon, forsa betg adina net e stget dentant cun cor. Dirigids vegnin nus da Curdin Lansel, sustegnids dal chor ad hoc da la producziun «Bab, siu archiv ed jeu».
Viadi:
Nus recumandain da viagiar cun ils meds da transport publics. Ils lieus da tut las occurrenzas cuntanschais Vus cumadaivlamain a pe en 10 minutas davent da la staziun. A visitadr:as che vegnan cun l’auto recumandain nus il Parkegi Centrel.
- a l’urari da las Viafiers federalas svizras
- chasa da parcar: Parkegi Centrel
Nua pernottar?
L’entschatta d’october èn averts a Zuoz ils hotels suandants:
Purschidas d’abitaziuns da vacanzas ed ulteriurs alloschis en Engiadina chattais Vus sin las paginas-web suandantas:
- Zuoz: activitads, hotels & ed auter
- Experience Shop da la regiun da vacanzas Engiadina & San Murezzan
Per ina cussegliaziun telefonica stat gugent a disposiziun l’infurmaziun turistica da Zuoz al numer 081 854 15 10.