Café travers
Cun surpraisa teatrala
Nus discurrin davart il teater. Asa Hendry, autur:a dal toc «Bab, siu archiv ed jeu», Selina Beghetto, dramaturga, ed in’ulteriur:a giast:a (N.N.) discurran davart la genesa dal toc, davart l’influenza dal teater popular sin la lavur professiunala da teater e davart il scriver scenic per rumantsch ed en autras linguas.
L’entrada è libra, ma i vegn recumandà da reservar ina plazza cun il ticketing qua sutvart.
Linguas/idioms: sursilvan, puter, vallader, tudestg
Annina Sedlacek (actura / reschissura)
Annina Sedlacek (*1980) è creschida si a Sent. Suenter il diplom dal curs preliminar a la scola da ritmica Institut Jacques Dalcroze absolvescha ella la scolaziun da teater a la Scuola Teatro Dimitri. Dapi il 2004 è ella actura libra, reschissura e pedagoga da teater e commembra da differentas cumpagnias da teater en Spagna, Italia, Germania e Svizra. Durant tut quels onns maina ella reschia per numerus teaters d’uffants e da laics ed instruescha teater e moviment en differents lieus. Actualmain maina ella il Giuven Teater grischun en Engiadina, è sin turnea cun il toc Herr Widerstand und die Glücksmaschine ed ha in rolla en il toc da giubileum da la Lia Rumantscha.
Nikolas Stocker (actur / reschissur)
Nikolas Stocker è naschì il 1985 a Zug. Suenter ina carriera sportiva cun titels sco campiun svizzer da judo e campiun mundial dad airboard fa el in emprendissadi da scrinari. L’onn 2014 absolvescha el la Schule für Clowns, Komik und Comedy. El fundescha sia atgna cumpagnia cun il num Amlou e debutescha il 2016 cun il toc Nach Eden. El fa differentas lavurs d’animaziun sco clown ed è sin turnea cun ils tocs Herr Widerstand und die Glücksmaschine e Nach Eden.
Bigliets
Qua pudais Vus cumprar ils bigliets per questa represchentaziun. Ulteriuras represchentaziuns chattais Vus tar bigliets.