Cordial bainvegni sin la homepage da l’uniun travers. L’emprim festival da teater rumantsch era in success. Qua chattais vus nossa retrospectiva cun maletgs da Mayk Wendt. La proxima ediziun dal festival travers zuoz ha lieu dals 12 – 14 settember 2025. As legrai gia uss sin la primaudiziun d’in nov toc da teater rumantsch e sin in program cultural plain!
Tschertgà: chantadurs per il nov toc da teater rumantsch dal festival travers zuoz 2025
Ils 12 – 14 da settember 2025 ha lieu il segund festival travers zuoz cun il nov toc «Bab, siu archiv ed jeu» dad Asa Hendry. Per l’inscenaziun tschertgain nus urgentamain ca. 8 chantadurs (umens) per il ensemble vocal.
Tgi che nus essan
La vischnanca da Zuoz, il Lyceum Alpinum Zuoz e la Lia Rumantscha han fundà il zercladur 2022 cuminaivlamain l’uniun travers cun l’intent da promover il teater rumantsch. La suprastanza sa cumpona da represchentant:as da las instituziuns fundaturas e da persunalitads enconuschentas che lavuran en il champ da la cultura, da la romanistica e dal schurnalissem.
